سمے وار (مانیٹرنگ ڈیسک)
الجزیرہ فیلوشپ کے حصے کے طور پر، صحافیوں اور محققین کو صحافت کے منتخب شعبوں میں 7,000 الفاظ پر مشتمل تحقیقی مقالہ لکھنے کا موقع فراہم کیا جائے گا۔ پروگرام میں کامیاب درخواست دہندگان درج ذیل مواقع حاصل کریں گے:
الجزیرہ میڈیا نیٹ ورک (AJMN) کی کسی ٹیم میں شامل ہوں گے اور کام کرنے کے ماحول کا براہِ راست تجربہ حاصل کریں گے۔
اپنے تحقیقی منصوبے سے متعلق مدیران، صحافیوں اور دیگر عملے سے ملاقات کریں گے۔
پروگرام کے لیے اہلیت
کل وقتی صحافی اور محققین جن کا پس منظر میڈیا یا سماجی علوم میں ہو۔
یہ پروگرام 3 ماہ پر مشتمل ہے اور دو اہم مراحل میں تقسیم ہے:
پہلے مرحلے میں محقق اپنے تحقیقی منصوبے اور مقالے کے ابتدائی حصے پر کام کرے گا اور جمع کروائے گا۔
دوسرا مرحلہ (الجزیرہ میڈیا نیٹ ورک کے صدر دفتر میں):
محقق اپنی تحقیق کو مکمل کرے گا اور مقالے کی حتمی کاپی جمع کروائے گا۔
*شمولیت کے لیے شرائط
اہلیت کے معیار، بیچلر کی ڈگری۔ کل وقتی صحافی یا محقق (فری لانس یا ملازم)۔
صحافت یا میڈیا سے متعلقہ تحقیق میں کم از کم چار سال کا پیشہ ورانہ تجربہ۔
مضبوط تحقیقی اور تحریری صلاحیتیں ہونا
نیز انگریزی زبان لکھنے اور بولنے میں مہارت
انگریزی اکیڈمک رائٹنگ پر مناسب عبور۔
*ضروری دستاویزات
درخواست فارم کے ساتھ مندرجہ ذیل دستاویزات PDF فارمیٹ میں جمع کروانا ضروری ہیں (ویڈیوز، تصاویر یا دیگر گرافک مواد بطور نمونہ پیش کیے جا سکتے ہیں):
تعلیمی و پیشہ ورانہ سوانح عمری (CV)
فیلوشپ پروپوزل (عنوان، دل چسپی کا میدان، مقاصد، طریقۂ کار، خلاصہ)
انگریزی زبان میں کیے گئے اپنے تین کاموں کے نمونے
دو سفارشاتی خطوط
(اگر مندرجہ بالا میں سے کوئی دستاویز کم ہوئی تو درخواست پر غور نہیں کیا جائے گا۔)
فیلو کی ذمہ داریاں
منتخب ہونے والے امیدوار درج ذیل امور کے پابند ہوں گے:
AJMI کی ہدایات کے مطابق 7,000 الفاظ تک کا تحقیقی مقالہ تیار کرنا اور جمع کروانا۔
باقاعدگی سے کام کی پیش رفت کی ماہانہ رپورٹ جمع کروانا۔
الجزیرہ کمیونٹی کا فعال اور پرجوش رکن بننا۔
تحقیقی تجویز (Research Proposal) کی ضروریات
تحقیقی تجویز 1000 سے 1500 الفاظ پر مشتمل ہونی چاہیے، اور اس میں یہ ظاہر ہونا چاہیے کہ آپ کی تحقیق اپنے میدان میں کیوں اہم ہے۔ تجویز میں درج ذیل شامل ہوں:
موضوع کا تعارف، تحقیق کے سوالات اور مقاصد۔
تحقیق کی اہمیت کی وضاحت۔
تحقیقی طریقۂ کار اور نظریاتی فریم ورک کا خلاصہ۔
ڈیٹا جمع کرنے، تجزیہ کرنے اور نتائج اخذ کرنے کے طریقے۔
ممکنہ چیلنجز کی نشان دہی۔
یہ وضاحت کہ صحافی آپ کی تحقیق سے کس طرح فائدہ اٹھا سکتے ہیں۔
الجزیرہ ہیڈکوارٹر میں قیام سے آپ کی تحقیق کو کیا فائدہ پہنچے گا۔
اہم نکات:
تحقیق کی تجویز مستند اور اصل ہونی چاہیے۔
یہ تجویز خاص طور پر الجزیرہ فیلوشپ پروگرام کے لیے لکھی گئی ہو۔
کسی بھی قسم کی نقل یا سرقہ (Plagiarism) برداشت نہیں کیا جائے گا۔
تحقیقی موضوعات
درخواست دہندگان مندرجہ ذیل میں سے کسی ایک موضوع پر تجویز جمع کر سکتے ہیں:
1. صحافت اور گلوبل ساؤتھ
گلوبل ساؤتھ میں صحافت کے نئے ڈھانچے اور مغربی طرزِ عمل کے چیلنجز۔
نوآبادیات اور عالمگیریت کا اثر صحافتی عمل پر۔
ڈیٹا کے بہاؤ اور بیانیوں کے مسائل (مثلاً غزہ جنگ کی عالمی کوریج میں جنوبی دنیا کی کہانیاں)۔
مغربی مالی امداد یافتہ میڈیا پروگراموں کا اثر۔
2. ڈیجیٹل صحافت
کہانی بیان کرنے کے طریقوں کی تبدیلی: روایتی سے ڈیجیٹل صحافت تک۔
فیکٹ چیکنگ اور نیوز ویریفیکیشن۔
اسمارٹ نیوز رومز، موبائل، ڈیٹا، اور تحقیقی صحافت میں جدید ٹیکنالوجی کا کردار۔
مصنوعی ذہانت (AI) کا صحافتی اداروں میں انضمام۔
3. صحافت کے نئے رجحانات
نئی صحافتی تحریکیں۔
فوٹو ڈاکیومنٹری صحافت۔
انسانیات پر مبنی (Anthropological) صحافت۔
سست رفتاری پر مبنی (Slow) صحافت۔
صحافت اور سماجی علوم کا ملاپ۔
صحافتی کہانی سنانے کی تکنیکیں۔
4. صحافتی اخلاقیات
ڈیجیٹل صحافت میں نئے اخلاقی چیلنجز۔
میڈیا اور سوشل نیٹ ورکس میں نفرت انگیز تقریر۔
5. میڈیا ادارے اور چیلنجز
آزاد میڈیا پلیٹ فارمز کو درپیش مشکلات۔
میڈیا اداروں کے کاروباری ماڈلز کی ترقی۔
ڈیجیٹل تبدیلی کی حکمتِ عملی۔
روایتی اور ڈیجیٹل میڈیا کا انضمام۔
گلوبل ساؤتھ میں صحافتی تعلیم کے چیلنجز۔
(بہ شکریہ الجزیرہ)
