کراچی: قبضہ نہیں کرنے دیں گے ایکشن کمیٹی بنادی، جماعت اسلامی

سمے وار (مانیٹرنگ ڈیسک)
امیر جماعت اسلامی کراچی منعم ظفر خان نے گلشن اقبال میں قبضہ مافیا کی جانب سے ایک شہری کے گھر پر قبضے کی کوشش کے حوالے سے وزیر اعلیٰ سندھ، وزیر داخلہ، ڈی آئی جی اور ایس ایس پی سے مطالبہ کیا کہ گزشتہ رات B60بلاک 13D1میں مکان پر قبضہ کرنے کے واقعے کی فوری اور شفاف تحقیقات کرائی جائیں،گھر پر حملہ کرنے والے تمام افراد کو گرفتار اور ان کے سرپرستوں کو قانون کی گرفت میں لایا جائے، پولیس اہل کاروں کی غفلت پر بھی سخت کارروائی لازم ہے، چند عناصر کالے کوٹ پہن کر دہشت گردی میں ملوث ہیں۔
ہمارا کراچی بار اور سندھ بار سے بھی مطالبہ ہے کہ قبضے کے اس واقعے میں ملوث وکلاء کے لائسنس منسوخ اور ان کے خلاف سخت کارروائی کی جائے۔ ادارہ نورِ حق میں ایکشن کمیٹی قائم کردی ہے،
جماعت اسلامی اس شہر کو تقسیم کرکے لوٹنے کی ہر کوشش ناکام بنائے گی۔جماعت اسلامی کراچی کا مقدمہ ہر فورم پر لڑتی رہے گی۔