سمے وار (ماینٹرنگ ڈیسک)
دو روز قبل حبشہ یا ایتھوپیا میں ایک بہت بڑے آتش فشاں کے بڑے چرچے ہیں۔ بتایا جا رہا ہے کہ یہ ہزاروں سال پرانا آتش فشاں ہے جس کی راکھ پاکستان میں گوادر تک پہنچی اور پھر ہندوستان تک۔ ہندوستان نے پروازیں روک دیں اور اس آتش فشاں پر سے گزرنے والے طیاروں کا معائنہ شروع کردیا۔ بہت سے ماہرین یہ بھی کہتے ہیں کہ انسانی تاریخ میں اتنے بڑے آتش فشاں کی اور کوئی مثال موجود نہیں ہے۔
دوسری طرف اس آتش فشاں کے حوالے سے لوگ مختلف تبصرے بھی کر رہے ہیں، جس میں سے ایک اسے قیامت کی بڑی نشانی کے طور پر بیان کرنا بھی ہے۔
اسلامی عقائد کے مطابق قیامت کی 10 بڑی نشانیوں میں سے ایک بڑی نشانی “الدُّخان” یعنی کہ “بڑا دھواں” بھی ہے۔ قیامت کی اس بڑی نشانی کا ذکر ہمیں قرآن اور حدیث دونوں میں ہی ملتا ہےج۔
سورۃ الدخان میں ہے:
“فَارْتَقِبْ يَوْمَ تَأْتِي السَّمَاءُ بِدُخَانٍ مُّبِينٍ”
“پس اُس دن کا انتظار کرو جب آسمان کھلا ہوا دھواں لے کر آئے گا۔”
نبی کریم ﷺ نے قیامت کی دس بڑی بڑی نشانیوں میں سے ایک بڑی نشانی یہ “دھویں” کے طور پر بتائی ہے۔ صحیح مسلم کی روایت ہے، انھوں نے ارشاد فرمایا:
“قیامت اس وقت تک قائم نہیں ہوگی جب تک تم 10 (بڑی) علامات نہ دیکھ لو… جن میں سے ایک دھواں ہے…”
علما اس کی تفسیر کے طور پر کہتے ہیں کہ یہ دھواں ایک حقیقی اور عظیم آسمانی دھواں ہوگا، جو پوریزمین کو ڈھک لے گا۔ ایمان والوں پر اس کا اثر نزلہ یا ہلکی تکلیف کی صورت میں ہوگا، جب کہ کافروں اور بدکاروں پر یہ دھواں شدید عذاب بن کر نازل ہوگا۔ ان کے کان اور ناک بند ہو جائیں گے سانس لینا مشکل ہوگا۔ یہ تکلیف ان کے لیے اتنی شدید ہوگی کہ وہ کہیں گے: “یہ سخت عذاب ہے!”
معتبر احادیث سے پتا چلتا ہے کہ یہ نشانی دجال، یاجوج ماجوج، عیسیٰ علیہ السلام کے نزول وغیرہ کے آس پاس کے زمانے میں ہوگی۔
اس کی ٹھیک ترتیب میں اختلاف ہے، لیکن یہ دس بڑی علامات میں شامل ہیں۔
بہت سے لوگ تاریخی آتش فشاں کے پھٹنے اور اس کے نتیجے میں بڑے دھویں کو قیامت کی دس بڑی نشانیوں میں سے ایک دیکھ رہے ہیں۔ جس نے پورے آسمان کو نہ سہی لیکن بہت حد تک آسمان کو اپنی لپیٹ میں لے لیا ہے۔
قیامت کی 10 بڑی نشانیوں کی ترتیب عام طور پر کچھ اس طرح بیان کی جاتی ہے۔
1۔ ظہورِ امام مہدی
2۔ دجال کا خروج
3۔ جناب عیسیٰ علیہ السلام کا نزول
4۔ یاجوج ماجوج کا خروج
5۔ تین بڑے زلزلے / زمین کے دھنسنے کے واقعات
ایک مشرق میں، ایک مغرب میں اور ایک جزیرۂ عرب میں
6۔ الدُّخان (بڑا دھواں)
7۔ دابۃُ الْاَرْض (زمین سے نکلنے والا جانور)
8 سورج کا مغرب سے طلوع ہونا
9۔ آگ کا نکلنا (یمن سے)
ایتھوپیا کے آتش فشاں کو قیامت کی بڑی نشانیوں کے طور پر بھی دیکھا جا رہا ہے، لیکن بہت سے لوگوں کا یہ خیال ہے کہ قیامت کی بڑی نشانیوں میں شامل وہ دھواں آسمان سے نازل ہوگا، جب کہ یہ دھواں زمیں سے اٹھ کر آسمان کی طرف جا رہا ہے۔
دوسری طرف اس نشانی کی ترتیب بھی چھٹے نمبر پر ہے۔ اس سے پہلے ظہور مہدی، دجال، عیسی علیہ السلام کی آمد، یاجوج ماجوج اور بڑے زلزلے شامل ہیں۔
