مرتضیٰ وہاب عباسی شہید کے ڈاکٹروں کی تنخواہیں دلوائیں، زوہیب اعظم

سمے وار (پ ر)
نوجوانانِ مہاجر کے چیئرمین زوہیب اعظم نے عباسی شہید اسپتال کراچی کے ڈاکٹروں کو گزشتہ پانچ ماہ سے تنخواہیں نہ ملنے پر شدید تشویش اور غم و غصے کا اظہار کرتے ہوئے کہا ہے کہ یہ کراچی کے نوجوان ڈاکٹروں کے ساتھ بدترین ناانصافی ہے۔ عباسی شہید اسپتال کے ڈاکٹرز کو ویسے ہی جناح اور سندھ گورنمنٹ اسپتال کے مقابلے میں کم تنخواہیں دی جاتی ہیں، اس کے باوجود بھی ان کی تنخواہیں ادا کی نہیں جارہیں، جو قابل مذمت ہے۔ میئر کراچی فی الفور اس مسئلے کو حل کریں، بہ صورت دیگر “نوجوانانِ مہاجر” کے کارکنان ان نوجوان ڈاکٹروں کے شانہ بشانہ سڑکوں پر بھرپور احتجاج کریں گے۔