11.11 کی سیل کا پس منظر کیا ہے؟

سمے وار (خصوصی رپورٹ)
آج 11 نومبر ہے اور گذشتہ کئی برسوں کی طرح اس بار بھی 11 گیارہ کا شور برپا ہے، بہت سے لوگ اس حوالے سے بات کر رہے ہیں۔ آج کل “11.11” واقعی آج کل مارکیٹنگ اور سیلز کی دنیا میں ایک بڑا دن بن چکا ہے۔
پہلے یہ دن “سنگلز ڈے” (Singles’ Day) کے نام سے مشہور ہے، اور اس کی ابتدا چین سے ہوئی تھی۔
اس کی شروعات 1990 کی دہائی میں چین کی نانجنگ یونیورسٹی کے کچھ طلبہ نے 11 نومبر (یعنی 11/11) کو “سنگلز ڈے” کے طور پر منانا شروع کیا۔ اس کی وجہ اس میں موجود ایک کے ہندسے کا چار بار آنا ہے۔
دراصل یہ 14 فروری کو یوم محبت نہ منا سکنے والوں کے لیے مخصوص کیا گیا تھا۔
لیکن آج یہ مارکیٹنگ کی علامت بن گیا۔ اس کی شروعات 2009 میں علی بابا گروپ (Alibaba Group) نے اس دن کو آن لائن شاپنگ فیسٹیول میں بدل کر کی۔ انجوں نے 11 نومبر کو بڑی رعایت ، سیل اور پروموشنز کے ساتھ منایا — اور یہ زبردست کام یاب ہوا۔ یوں یہ چلن نکل پڑا۔
دیکھتے ہی دیکھتے یہ دن دنیا کا سب سے بڑا آن لائن شاپنگ ایونٹ بن گیا، جس نے بلیک فرائیڈے (Black Friday) اور سائبر منڈے (Cyber Monday) کو بھی پیچھے چھوڑ دیا۔
اب نہ صرف چین بلکہ دنیا بھر کے ای-کامرس پلیٹ فارمز (جیسے Amazon، Daraz، Shopee وغیرہ) بھی 11.11 کو میگا سیل ڈے کے طور پر مناتے ہیں۔ پاکستان، انڈیا، ملائشیا، انڈونیشیا، ترکی، حتیٰ کہ یورپ میں بھی اب یہ دن ایک بڑی مارکیٹنگ روایت بن چکا ہے۔